సింహచల దేవస్థానంలో ఆద్యనృత్యాలయ విద్యార్థుల ప్రదర్శన

తెలంగాణ కెరటం.
నారాయణాపేట ప్రతినిధి .

విశాఖ జిల్లాలోని వరహా లక్ష్మీనరసింహస్వామి దేవస్థానం సింహాచలం నందు దేవాదాయశాఖ “ధర్మపథం” కార్యక్రమంలో భాగంగా ఆదివారం మక్తల్ ఆధ్యా నృత్యాలయ విద్యార్థులు అద్భుత నృత్య ప్రదర్శన చేసినట్లు నిర్వాహకులు
హారతి జోషి తెలిపారు. చిన్నారులు సాయి సప్తశ్రీ, వేదశ్వీ, ప్రసన్న ఎంతో అద్భుతంగా భరతనాట్య ప్రదర్శించారని అన్నారు.
ఇప్పటికే భారతదేశంలోని ప్రముఖ పుణ్యక్షేత్రాలైన వారణాసి, శ్రీశైలంతోపాటు ఢిల్లీ ఇతర ప్రాంతాల్లో ప్రదర్శనలు చేపట్టడం జరిగిందన్నారు.
తమ చిన్నారులు పలు క్షేత్రాలలో గొప్ప వారి ముందు అద్భుతంగా నాట్యం చేయడం చాలా సంతోషంగా ఉందని , భగవంతుని ఆశీర్వాదము ఎల్లప్పుడూ ఇలాగే ఉండాలని వారి తల్లిదండ్రులు పసుల మానస రంజిత్ రెడ్డి ,కాటమ్స్ జ్యోతి సుధీర్ గౌడ్ ,మ్యాతరి పల్లవి జగదీష్ సంతోషాన్ని వ్యక్తపరిచారు. అనంతరం విద్యార్థులకు శాలువాలు కప్పి మెమెంటోలు అందజేశారు.