కనుకరించని కసాయి తల్లి

శిశువును తీసుకొస్తున్న ఎస్సై

శిశువును తీసుకొస్తున్న ఎస్సై

సిర్గాపూర్‌, : ఎవరో చేసిన నేరానికి.. భూమ్మీద పడీపడగానే ఆ పసికందు శిక్ష అనుభవిస్తోంది.

తల్లి పొత్తిళ్లలో హాయిగా నింద్రించాల్సిందిపోయి ముళ్ల పొదల్లో చేరి గుక్కపెట్టి ఏడ్చింది. ఈ అమానవీయ ఘటన సంగారెడ్డి జిల్లా సిర్గాపూర్‌ మండల కేంద్రంలో శుక్రవారం చోటుచేసుకుంది. అప్పుడే పుట్టిన ఆడ శిశువు స్థానిక ఎంపీడీఓ కార్యాలయం సమీపంలోని ముళ్ల పొదల్లో, బండరాళ్ల చాటున వదిలేశారు. అటుగా వెళ్లిన స్థానికులకు పసికందు ఏడుపు వినిపించడంతో గ్రామ పెద్దలకు, పోలీసులకు సమాచారం ఇచ్చారు.

ఎస్సై నారాయణ తక్షణం స్పందించి శిశువును ఆసుపత్రికి తరలించారు. స్థానిక వైద్యాధికారి విజయ్‌ కుమార్‌ వైద్య పరీక్షలు చేసి ఐసీడీఎస్‌ అధికారులకు అప్పగించారు. శిశువును సంగారెడ్డి మాతా శిశు సంరక్షణ కేంద్రానికి తరలించారు. ఆశా కార్యకర్త లక్ష్మి ఫిర్యాదు మేరకు కేసు నమోదు చేశారు. ఆడపిల్ల పుట్టిందనే వదిలి వెళ్లారా, మరేమైనా కారణాలున్నాయా అనే కోణంలో విచారిస్తున్నారు.