రాష్ట్రంలో మరో ప్రాంతీయ పార్టీ పురుడు పోసుకోనుందా..?

అదీ TRS పేరుతోనే నా?

TRS పేరును కేటాయిస్తార అంటూ సమాచార హక్కు చట్టం కింద ఈసీని వివరణ కోరింది ఎవరు..??

తెలంగాణ కెరటం స్టేట్ బ్యూరో

తెలంగాణలో మరో ప్రాంతీయ పార్టీ రాబోతోందా అంటే అవుననే సమాధానం వస్తుంది..ప్రస్తుత పరిస్థితుల్లో తెలంగాణకు ఒక ప్రాంతీయ పార్టీ అత్యావశ్యకం అన్న ఉద్యోగ ఉపాధ్యాయ సంఘం నాయకుడు కృష్ణారావు.. రాష్ట్ర ప్రయోజనాల దృష్ట్యా తెలంగాణలో ప్రాంతీయ పార్టీ ఏర్పాటు చేసే యోచనలో ఉన్నట్టు తెలుస్తుంది.. TRS పార్టీ పేరు BRS గా మారిన పక్షం లో TRS పేరుతో పార్టీ పెట్టుకుంటే ఎన్నికల సంఘం అందుకు అమోదిస్తుందా అంటూ సమాచార హక్కు ద్వారా ఎన్నికల సంఘానికి దరఖాస్తు పెట్టినట్టు తెలుస్తుంది. ఈ పరిస్థితి గతం లో దేశం ఎప్పుడు లేదని.. ఈ. సి.నిబంధనలు ఏం చేపుతాయో నని తెలియాల్సి ఉంది.

దేశంలో అనేక రాష్ట్రాలలో అనేక ప్రాంతీయ పార్టీలు ఉన్నాయని..అవి అయా రాష్ట్రాలను అభివృద్ధి పధం లో నడిపిస్తున్నాయని,రాష్ట్రాల హక్కులకై పోరాటం చేస్తున్నాయని ఆయన పేర్కొన్నారు.. తెలంగాణ కోసం తెలంగాణ హక్కుల కోసం ఏర్పాటుచేసిన తెలంగాణ రాష్ట్ర సమితిని భారత రాష్ట్ర సమితిగా పేరు మార్చి జాతీయ పార్టీ గా మారడానికి ప్రయత్నిస్తున్న సందర్భంలో, తెలంగాణాలో ఒక్క ప్రాంతీయ పార్టీ కూడా లేనట్టయింది..సాంకేతికంగా భారత రాష్ట్ర సమితి ఇప్పటికీ ప్రాంతీయ పార్టీ గానే ఉన్నప్పటికీ..తెలంగాణా పేరు లేక పోవడం తో ప్రాంతీయత ప్రాభవం తగ్గినట్టు కనిపిస్తుంది. ఢిల్లీ కంటే తల్లి(తెలంగాణ రాష్ట్రం) ముఖ్యమన్న ఈ పాత పెన్షన్ సాధనోధ్యమ నాయకులు, రాష్ట్ర ప్రయోజనం నెరవేరలంటే ప్రాంతీయ పార్టీలు అధికారంలో ఉండాలని, బిఆర్ఎస్ జాతీయ పార్టీగా మార్చేందుకు ప్రయత్నం చేస్తున్న నేపథ్యంలో ప్రాంతీయ పార్టీ లోటును పూడ్చే ప్రయత్నంలో భాగంగానే పార్టీ ఏర్పాటుకు ప్రయత్నం జరుగుతుందని అన్నారు.
పక్క రాష్ట్రమైన తమిళనాడు రెండు ప్రాంతీయ పార్టీలు ఉన్నాయని ,మన దగ్గర ఒకటి కూడా వద్ద ప్రశ్నిస్తున్నారు. ఖచ్చితంగా రాష్ట్రం లో ఒక ప్రాంతీయ పార్టీ ఉండాలన్న ఉద్దేశం తో పార్టీ ప్రారంభించ బోతున్నట్టు తెలుస్తుంది.కేంద్రంలో ఏ ప్రభుత్వం ఉన్నా రాష్ట్ర ప్రజల ప్రయోజనాల కోసం సఖ్యతతో ఉండే పార్టీలు రావాలని..విధాన పరంగా విభేదించినప్పటికి రాష్ట్ర ప్రజల ప్రయోజనాలను దృష్టిలో ఉంచుకుని వాటిని సాధించేందుకు కృషి చేయాల్సిన అవసరం ఎంతైనా ఉందని కృష్ణారావు పేర్కొన్నారు. టిఆర్ఎస్ పార్టీ పేరు ఇవ్వడం కుదరదని పక్షంలో “తెలంగాణ ప్రజా పార్టీ” లేదా “తెలంగాణ రాష్ట్ర పార్టీ” పేరుతో నైనా ముందుకు వెళ్లే యోచనలో కృష్ణారావు ఉన్నట్టు తెలిసింది. ఈ రెండిటి పేర్లతో ఇదివరకే ఎవరైనా కేంద్ర ఎన్నికల సంఘం వద్ద రిజిస్టర్ చేసుకున్నారా అని కూడా వివరణ కోరినట్లు తెలుస్తుంది.

అభివృద్ధి పథకాలను ప్రవేశపెట్టడంతో పాటు పాలనలో సంస్కరణలు కూడా చేపట్టినప్పుడే అధిక ప్రయోజనం ఉంటుందని అన్నారు.
సంపద పెంచడం- సంపద పంచడం అనే విధానంతో అధిక ప్రయోజనం ఉంటుందని అన్నారు.అవినీతికి అడ్డుకట్ట వేయడం ద్వారా అయిదు సంవత్సరాల పాలనా కాలంలో లక్ష యాభై వేల కోట్లు ఆదా చేయవచ్చని అన్నారు. సంపద కేంద్రీకృతం కావడం తోనే తోనే రాష్ట్రాలకు ఆర్థిక ఇబ్బందులు ఎదురవుతున్నాయి అని అన్నారు.ఆర్థిక క్రమశిక్షణ పాటిస్తే ఇప్పుడున్న పథకాలను మరింత ప్రభావ వంతంగా గా అమలు చేయడంతో పాటు ఐదు సంవత్సరాల పరిపాలన కాలంలో అప్పుల ఊబి నుండి రాష్ట్రాన్ని బయటపడేయవచ్చని కృష్ణారావు అభిప్రాయ వ్యవసాయం, విద్య,వైద్యం,వ్యాపారం, విద్యుత్(5Vs)ఈ ఐదు రంగాలలో మరిన్ని సంస్కరణలు,మార్పులు చేస్తే రాష్ట్రం మరింత ముందుకు పోతుందని అన్నారు.

ప్రజా ప్రతినిధుల వ్యక్తిగత విమర్శలతో ప్రజలకు ఒరిగేది శూన్యమని ,వ్యక్తిగత విమర్శల జడి వానలో కొట్టుకుపోతున్న ప్రజా సమస్యలేన్నో అని ఆవేదన వ్యక్తం చేశారు. శాసనసభ నిర్వహణకు ఇంకా పాత పద్ధతులే ఉండడం ఏంటి అని ప్రశ్నించారు.సభలో ఒకరి పై ఒకరు విమర్శలతో సభ సమయం వృధా అవుతుందని అన్నారు..అనేక మంది శాసన సభ్యులకు పదవీ కాలంలో ఒకసారి కడా సభలో నోరు విప్పే అవకాశం రావడం లేదని అన్నారు.ప్రతి ప్రజా ప్రతినిధికి గంట సమయం కేటాయించాలని అన్నారు.అప్పుడే క్షేత్ర స్థాయిలో సమస్యలు ప్రభుత్వం దృష్టికి వస్తాయని అన్నారు.సభా సంప్రదాయాలను గౌరవిస్తూనే ప్రతి సభ్యుడికి అరగంట నుండి గంట సమయం కేటాయించ వచ్చనీ, ఈ విషయంలో పాలకులకు చిత్త శుద్ది లేదు ఆని ఆయన అభిప్రాయ పడ్డారు. ఇది జరిగినప్పుడే ప్రజల సమస్యలు పరిష్కారానికి నోచుకుంటాయని అన్నారు..
స్వతంత్రం సిద్ధించి 75 సంవత్సరాలు దాటిన దేశం లో గ్రామాలకు ఇప్పటికీ కనీస రోడ్డు సౌకర్యం లేదని అన్నారు.ఇప్పటికీ రోడ్లమీదనే ప్రవాసలు జరుగుతున్నయని ఆవేదన చెందారు.

. ఓ పక్క తల్లి శవాన్ని సైకిల్ కి కట్టు కట్టుకొని.. భార్య చనిపోతే భుజాన వేసుకుని తీసుకెళ్తుంటే.. పంట కుప్పల మీదనే రైతులు మరనిస్తుంటే .పాలకులు ఏం చేస్తున్నారని ప్రశ్నించారు.
సరైన విద్యా విధానం లేక పిల్లల చదువుల కోసం తల్లిదండ్రులు అప్పులు చేస్తున్నారని,వైద్య ఖర్చులకు ఆస్తులు అమ్ముకంటున్నారని అన్నారు
సౌభాగ్య తెలంగాణ నే లక్షం గా ముందుకు వెళ్తానని ప్రకటించారు. ఆర్థిక క్రమశిక్షణ పాటించక.. ప్రణాళిక లేని విచ్చల విడి ఖర్చుల వల్లనే.. ప్రభుత్వాలు ఓనర్ డ్రాఫ్ట్ కు వెళ్లడం,అప్పుల పాలవడం ,వెరసి ప్రజలపై విపరీతమైన భారం పడుతుందని అన్నారు.
అవినీతి ని అంతమొందించి, పారదర్శకంగా పాలన చేస్తే ఒక్క రూపాయి అప్పు అవ్వదని అన్నారు.తెలంగాణ రాష్ట్ర ప్రయోజనాలకై త్వరలోనే పార్టీ పెడతానని స్పష్టం చేశారు.