కోరిక తీర్చాలంటూ మహిళ సర్పంచి పై కన్నేసిన బీఆర్ఎస్ ఎమ్మెల్యే తాటికొండ రాజయ్య లైంగిక వేధింపులు

తెలంగాణ కెరటం స్టేట్ బ్యూరో

బీఆర్ఎస్‌ నాయకుడు, మాజీ డిప్యూటీ సీఎం, మంత్రి, ప్రస్తుతం స్టేషన్‌ ఘనపూర్‌ ఎమ్మెల్యేగా ఉన్నటువంటి తాటికొండ రాజయ్య ఎమ్మెల్యే మరోసారి వివాదాల్లో చిక్కుకున్నారు.

మంత్రి పదవి పోయిన తర్వాత నుంచి నియోజకవర్గంలో ఏదో విషయంలో విమర్శలు ఎదుర్కొంటూ వార్తల్లో నిలుస్తున్న రాజయ్య రీసెంట్‌గా ఓ లేడీ సర్పంచ్‌పై మనసు పడ్డానంటూ మరో బీఆర్ఎస్‌ నాయకుడితో రాయబారం చేయడంపై సదరు మహిళా సర్పంచ్‌(సర్పంచ్)తన గోడును స్వయంగా సీఎం దృష్టికి తీసుకెళ్లాలని నిర్ణయించుకుంది. ఈ వార్త ఉమ్మడి వరంగల్ జిల్లా వ్యాప్తంగా సంచలనంగా మారింది. ఈవిషయంపై ఇప్పటి జానకీపురం సర్పంచ్ నవ్య
మీడియా ముందుకొచ్చారు. తనను బీఆర్ఎస్‌ నాయకుడు పెడుతున్న లైంగిక, మానసిక వేధింపులపై ఘాటు ఆరోణలు చేశారు. షాపింగ్ పేరుతో తనతో బయటకు వస్తే బంగారం, డబ్బుతో పాటు తన పిల్లల చదువులకు అయ్యే ఖర్చు కూడా తానే భరిస్తానంటూ ప్రలోభపెడుతున్నారని ..తనకే కాదు మండలంలోని మరికొందరు మహిళా ప్రజాప్రతినిధుల పట్ల కూడా ఇదే విధంగా వ్యవహరిస్తున్నారంటూ కన్నీరు పెట్టుకుంది సర్పంచ్ నవ్య.

ఎమ్మెల్యే తాటికొండ రాజయ్యపై ఈతరహా విమర్శలు, ఆరోపణలు గతంలో కూడా వచ్చాయి. ఇప్పుడు మహిళా సర్పంచ్ స్వయంగా కన్నీరుపెట్టుకొని మీడియా ముందుకు రావడమే కాదు..ఇదే విషయాన్ని సీఎం కేసీఆర్‌, మంత్రి కేటీఆర్‌ను కలిసి వారి దృష్టికి తీసుకెళ్తానని చెబుతున్నారు. తమకు రక్షణ కల్పించాలని కోరుతామన్నారు. తాము రాజకీయల్లోకి ఆస్తులు అమ్ముకొని వచ్చింది ఇలాంటి నేతల కోరికలు తీర్చడానికి కాదని..ప్రజా సేవ చేయడానికేనంటూ జానకీపురం సర్పంచ్ నవ్య ఘాటుగా బదులిస్తున్నారు