అంబేడ్కర్ అద్దె ఇల్లును సందర్శించిన తెలంగాణ నేతలు

తెలంగాణ కెరటం( ముంబై ) (మహారాష్ట్ర) ప్రతినిధి ఫిబ్రవరి 26——
1912 నుంచి 1934 వరకు డాక్టర్ అంబేడ్కర్ ముంబై పరేల్ బి.ఐ.టి చాల్లోని 22 ఏండ్లుగా అద్దెకున్న నివాసానికి తెలంగాణ రాష్ట్ర నేతలు సందర్శించారు. శనివారం సాయంత్రం తెలంగాణ అంబేడ్కర్ యువజన సంఘం రాష్ట్ర కార్యాధ్యక్షులు బొంకురి సురేందర్ సన్ని, ఏఐఎంఐఎం పెద్దపెల్లి జిల్లా అధ్యక్షులు అడ్వొకేట్ మొహమ్మద్ ఇమ్రాన్ గార్లు అట్టి ఇంటికి సందర్శించి చరిత్రను తెలుసుకున్నారు. బిఐటి చాల్లోని ఇదే అద్దె రూం నంబర్ 50లో అంబేడ్కర్ చదువుకొనే వారు, రూం 51లో మాత రమాయి సంసారం విధులు నిర్వహించారని, ఆమెకు పెండ్లి ఇక్కడే జరిగిందని స్థానికులు తెల్పారు. ఇదే ఐతిహాసిక నివాసానికి 1919 డిసెంబర్ 17న కొల్హాపూర్ నుంచి రాజశ్రీ షాహు మహారాజ్ అంబేడ్కర్ ను కల్వడానికి వచ్చి, “ముఖ్నాయక్” పత్రిక నడపడానికి రెండువేలన్నర రూపాయలు ఆయనకు మద్దతుగా ఇచ్చారని ప్రకింటివారు తెల్పారు. బాబాసాహెబ్ ఇదే నివాసం నుంచి తమ ఉద్యమానికి బాటలు వేశారు. మహాడ్ చెరువు పోరు, కాలరాం మందిర్ ప్రవేశం, మాత రమాయి పోగొట్టుకున్న నాల్గు సంతానాలు, రౌండ్ టేబుల్ కాన్ఫెరెన్సులకు, కార్మిక పోరాటాలకు బిఐటి చాల్ పుట్టినిల్లు అని కార్యకర్తలు వివరించారు. గత ప్రభుత్వపు సీఎం ఉద్ధవ్ ఠాక్రే ఆ ఇల్లును సందర్శించి, దానిని జాతీయ స్మారకం చేస్తానని ప్రకటించిన విషయం దేశ ప్రజలకు తెల్సిందే. ఐతే అట్టి గొప్ప డిమాండ్ ను తాము తెలంగాణ బిఆర్ఎస్ ప్రభుత్వంచే మహారాష్ట్ర కేంద్ర సర్కార్లపై ఒత్తిడి తీసుకొచ్చే ప్రయత్నం చేస్తామని సురేందర్, ఇమ్రాన్లు చారిత్రాత్మక ఇంటి నుంచి ఈ సందర్భంగా ముంబై అంబేడ్కరైట్లకు హమిచ్చారు. వారికి తోడుగా ముంబై తెలుగు బుద్దిస్ట్ దాసరి కృష్ణమూర్తి, బబన్ సొన్వనే, బాబా గైక్వాడ్, ఎంటిబిఎఫ్ గాయకులు భీంరత్న మాలజీ, మూల్ నివాసి మాలజీ ఉన్నారు