ఆధునిక భారత చరిత్రలో ధృవతార సావిత్రీబాయి ఫూలే…

ఆధునిక భారత చరిత్రలో ధృవతార సావిత్రీబాయి ఫూలే

జాతీయ బీసీ సంక్షేమ సంఘం స్టేట్ సెక్రటరీ వడ్డేపల్లి హనుమంతు

సిద్దిపేట, మార్చి 10 ( తెలంగాణ కెరటం న్యూస్ ) : భారతదేశంలో ప్రముఖ సంఘ సంస్కర్తలలో సావిత్రీబాయి ఫూలే గారు ఒకరు. సావిత్రిభాయ్ గారు దేశంలో తొలి ఆదర్శ ఉపాధ్యాయిని. బ్రిటిష్ పాలన నాటి ప్రజల స్థితిగతులు, విద్య, సాంఘిక దురాచారాలు, సతీ సహగమనం, బాల్య వివాహాలు సావిత్రీబాయి గారిని కదిలించాయి. ఈమెది కూడా బాల్య వివాహమే. ఆమె వివాహం సంఘసంస్కర్త జ్యోతిరావు ఫూలే గారితో జరిగింది. వివాహానంతరం సావిత్రీబాయి గారికి విద్యాభ్యాసం చేసి ఉపాధ్యాయ శిక్షణ ఇప్పించారు. కుల వ్యవస్థ నిర్మూలనకు, పీడిత ప్రజానీకం పట్ల ఆమె మనసులో ఆలోచనలను గుర్తించిన జ్యోతిరావు ఫూలే గారు బాలికల పాఠశాల ప్రారంభించడానికి ప్రయత్నం చేశారు. తన జీవితాన్ని త్యాగం చేసి విద్యాబోధనకు, బాలికలకు అంకిత మైంది. సాంఘిక దురాచారాల నిర్మూలన కోసం పెద్దలతో ఘర్షణ పడవలసివచ్చినా బెదరలేదు. వితంతువులకు శిరోముండనం చేయబోమంటూ క్షురకులను చైతన్యవంతులను చేసింది. అనాథ స్త్రీలకు, పిల్లలకు శరణాలయాలు, ఆశ్రమాలు ఏర్పాటు చేయించింది. సత్యశోధక సమాజంలో మహిళా విభాగాన్ని ఏర్పాటు చేసి కులాంతర వితంతు వివాహాలు జరిపించారు.సామాజిక సేవలోనే మార్చి 10, 1897న అంతిమశ్వాస.క్రాంతిజ్యోతి సావిత్రిభాయ్ గా ప్రజలందరూ పిలుచుకునే సావిత్రీబాయి ఫూలే గారు ఆధునిక భారతదేశ చరిత్రలో ధృవతారగా వెలుగొందుతూనే ఉంటారు. సమాజంలో అసమానతలు
మీద అలుపెరుగని పోరాటం చేసి అణగారిన వర్గాల్లో వ్విద్యా వ్యాప్తికోసం కోసం కృషి చేసిన గొప్ప సంఘ సంస్కర్త సావిత్రిబాయి పూలే గారి వర్ధంతి సందర్భంగా, ప్రతీ ఒక్కరు వారి ఆశయసాధన కోసం పునరంకితం కావాలి అలాగే ప్రతి ఒక్కరు సామాజిక చైతన్య క్రాంతిజ్యోతి సావిత్రిభాయ్ ఫూలే గారికి ఘన నివాళులు అర్పించాలి.